Sérfræðingur í notenda- og útstöðvaþjónustu á Sauðárkróki
Hefur þú þjónustulund, brennandi áhuga á tækni og átt heima á Sauðárkróki? Komdu og vertu hluti af teyminu okkar í vettvangs- og notendaþjónustu hjá viðskiptavinum Advania!
Advania leitar að jákvæðum, ábyrgum og áhugasömum einstaklingi í fjölbreytt og lifandi starf á Sauðárkróki. Starfið er samblanda af vettvangsþjónustu, notendaþjónustu og útstöðvarþjónustu.
Í vettvangsþjónustu mætir þú notandanum á staðnum og aðstoðar hann með tölvur, jaðarbúnað, fundarrými og það tækniumhverfi sem daglegt skrifstofustarf byggir á. Þess á milli sinnir þú verkefnum í notenda- og útstöðvarþjónustu Advania, þar sem unnið er með skýjalausnir, útstöðvar, símalausnir og almenn upplýsingatæknimál viðskiptavina, bæði í fjarvinnu og með heimsóknum.
Mikil áhersla er lögð á notandann sjálfan, skjóta úrlausn og að tækniumhverfi viðskiptavina sé stöðugt, öruggt og einfalt í notkun.
Starfið felur í sér ferðir milli starfsstöðva viðskiptavina.
Helstu verkefni
Vettvangsþjónusta
Þjónusta og aðstoð við notendur á vinnustöðum viðskiptavina
Uppsetning, afhending og umsjón með tölvum notenda, símum og jaðarbúnaði
Uppsetning og umsjón með prenturum, skjáum, fundarrýmum og öðrum búnaði í skrifstofuumhverfinu
Úrlausn tæknilegra vandamála á staðnum og eftirfylgni mála í samstarfi við framlínu og sérfræðiteymi
Bilanagreining á tölvum, jaðarbúnaði, fundarrýmislausnum og tengingum, greining á orsökum vandamála og aðgerðir til að koma í veg fyrir að þau endurtaki sig
Notenda- og útstöðvarþjónusta
Fjaraðstoð og úrlausn mála sem berast í gegnum þjónustukerfi Advania
Umsjón með útstöðvum, notendum og skýjalausnum viðskiptavina, svo sem Microsoft 365
Aðstoð við símalausnir og almenn upplýsingatæknivandamál viðskiptavina
Þátttaka í verkefnum og rekstri með sérfræðiteymum notenda- og útstöðvarþjónustu
Við leitum að einstaklingi sem
Er tæknilega sinnaður og fljótur að tileinka sér nýja hluti
Þrífst í umhverfi þar sem skilvirkni og sjálfstæði eru lykilatriði
Er óhræddur við að vinna sjálfstætt á vettvangi en nýtur þess jafnframt að vinna í teymi með samstarfsfólki í fjarvinnu
Hæfniskröfur
Bílpróf, þar sem starfið felur í sér ferðir milli starfsstöðva viðskiptavina
Framúrskarandi þjónustulund og lipurð í samskiptum við notendur á öllum stigum, með vilja til að fara fram úr væntingum viðskiptavina
Þekking á Windows-tölvum, Microsoft 365 og jaðarbúnaði og reynsla af uppsetningu, rekstri og úrlausn vandamála
Góð þekking á skrifstofuumhverfi fyrirtækja af mismunandi stærð og þeim búnaði sem þar er notaður
Góð færni í bilanagreiningu, skipuleg og lausnamiðuð nálgun, forvitni og þrautseigja, einnig þegar orsökin er ekki augljós
Sjálfstæði, frumkvæði, öguð vinnubrögð og gott skipulag og geta til að halda mörgum málum í gangi samtímis
Góð íslenskukunnátta
Kostur en ekki skilyrði
Vottun á sviði Microsoft-lausna, t.d. Modern Desktop eða Endpoint Administrator
Reynsla af rekstri upplýsingatæknikerfa fyrirtækja
Þekking á Active Directory og Microsoft Server
Þekking á fundarrýmislausnum, prentumhverfi og almennum netbúnaði
Við hvetjum öll kyn til að sækja um hjá okkur. Ef þú hefur áhuga á starfinu en uppfyllir ekki allar kröfur hvetjum við þig samt til að sækja um. Þú gætir einmitt verið einstaklingurinn sem við leitum að.
Hjá Advania munt þú
Starfa með skemmtilegum hópi af fólki með áralanga reynslu í upplýsingatækni
Vinna að lausn vandamála
Hafa tækifæri til að vaxa og auka þekkingu þína
Starfa á vinnustað sem leggur mikið upp úr sveigjanleika hvað varðar fjarvinnu og staðvinnu
Vera í samskiptum við fjölbreyttan hóp viðskiptavina sem gera daginn litríkan og skemmtilegan
Starfa hjá fyrirtæki sem er umhugað um kolefnisspor sitt, jafnrétti kynja og sjálfbærni
Vinnustaðurinn Advania
Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil.
Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.
Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.
Ferli ráðninga
Tekið á móti umsóknum
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað
Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.
Nánari upplýsingar
Nánari upplýsingar veitir Skúli Axelsson, deildarstjóri notenda- og útstöðvarþjónustu, skuli.axelsson@advania.is / 4409000.
- Teymi
- Rekstur og innviðir
- Staðsetning
- Sauðárkrókur
Um Advania
Advania hjálpar viðskiptavinum að takast á við eina af stærstu áskorunum 21. aldar: að halda í við hraðar tæknibreytingar og breyta þeim í raunverulegt virði fyrir viðskiptavini.
Sem traustur samstarfsaðili gerum við fyrirtækjum og stofnunum kleift að fylgja þessum hraða með því að breyta flókinni upplýsingatækni í vel hannaðar lausnir sem einfalda daglegan rekstur.
Með þeirri nálgun stefnum við að því að vera leiðandi samstarfsaðili í upplýsingatækni í Norður-Evrópu.
Hjá Advania á Íslandi starfa um 600 sérfræðingar í upplýsingatækni. Við erum hluti af Advania samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 53 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 5.000 sérfræðingar í upplýsingatækni.