Sérfræðingur í skýjarekstri og gervigreind
Viltu tryggja öruggan rekstur skýjalausna og nýta gervigreind til að tengja kerfi saman? Vertu hluti af innra upplýsingatækniteymi Advania.
Advania leitar að öflugum tæknisérfræðingi með reynslu af öruggum rekstri skýjalausna og brennandi áhuga á að nýta gervigreind í rekstri og samþættingu kerfa. Starfið tilheyrir innra upplýsingatækniteymi Advania, sem sér um rekstur og þjónustu skýjalausna og innri upplýsingatæknikerfa fyrir starfsfólk Advania.
Helstu verkefni og ábyrgð
Rekstur á skýjaþjónustum eins og ServiceNow, Atlassian, Github, ChatGPT og Claude með áherslu á öryggisstillingar og aðgangsstýringar
Reynsla af samþættingum milli skýjaþjónusta, uppsetning, vöktun og bilanagreining
Uppsetning, rekstur og vöktun á MCP þjónustum
Rekstur á miðlægum auðkenningarkerfum
Hönnun og rekstur á Azure App Services, Container Apps/AKS, Functions, Logic Apps, Cowork, Copilot studio
Hönnun, uppsetning og rekstur á Datafabric
Eiginleikar sem við leitum að
Skilningur og reynsla af öruggri notkun gervigreindar og gagnavinnslu
Reynsla af gervigreindarstuddum kóðunartólum
Þekking á CI/CD (Azure DevOps, GitHub Actions)
Þekking á ITIL ferlum kostur
Frumkvæði, jákvætt hugarfar og lausnamiðuð nálgun
Hæfni til að starfa bæði sjálfstætt og í hópi
Menntunar og hæfniskröfur
Háskólagráða eða reynsla sem nýtist í starfi
Vottanir í skýjaþjónustum eins og Identity and Access Administrator, Azure Administrator/DevOps Engineer Expert , Auth0 kostur
Vinnustaðurinn Advania
Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.
Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.
Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.
Ferli ráðninga
Tekið á móti umsóknum til 20. nóvember 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað
Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.
Nánari upplýsingar
Nánari upplýsingar veitir Védís Sigurjónsdóttir, forstöðukona Innri upplýsingatækni, vedis.sigurjonsdottir@advania.is / 4409000.
- Staðsetning
- Reykjavik
Um Advania
Advania hjálpar viðskiptavinum að takast á við eina af stærstu áskorunum 21. aldar: að halda í við hraðar tæknibreytingar og breyta þeim í raunverulegt virði fyrir viðskiptavini.
Sem traustur samstarfsaðili gerum við fyrirtækjum og stofnunum kleift að fylgja þessum hraða með því að breyta flókinni upplýsingatækni í vel hannaðar lausnir sem einfalda daglegan rekstur.
Með þeirri nálgun stefnum við að því að vera leiðandi samstarfsaðili í upplýsingatækni í Norður-Evrópu.
Hjá Advania á Íslandi starfa um 600 sérfræðingar í upplýsingatækni. Við erum hluti af Advania samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 53 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 5.000 sérfræðingar í upplýsingatækni.