Mannauðsráðgjafi
Viltu vinna náið með stjórnendum og hafa raunveruleg áhrif á fólk, teymi og vinnustaðinn?
Við leitum að öflugum mannauðsráðgjafa til liðs við mannauðsteymi Advania. Hlutverkið er fjölbreytt og sameinar náið samstarf og ráðgjöf við stjórnendur og virka þátttöku í fjölbreyttum verkefnum mannauðsteymisins þvert á fyrirtækið.
Við leitum að einstaklingi sem hefur áhuga á fólki og rekstri, er sterkur ráðgjafi og getur sett sig inn í ólíkar áskoranir stjórnenda og teyma. Um leið þarftu að hafa gaman af því að láta hlutina gerast, hvort sem það snýr að móttöku nýs starfsfólks, mannauðsgögnum, ferlum, viðburðum eða öðrum verkefnum sem bæta upplifun starfsfólks og styðja við starfsemina.
Hvað munt þú gera?
Sem mannauðsráðgjafi verður þú samstarfsaðili stjórnenda í fjölbreyttum mannauðsmálum og styður þá við að leiða og þróa fólk og teymi.
Meðal verkefna eru að:
Veita stjórnendum ráðgjöf og stuðning í fjölbreyttum mannauðs- og starfsmannamálum, meðal annars varðandi frammistöðu, endurgjöf, fjarveru og önnur viðfangsefni stjórnendahlutverksins.
Styðja við breytingar, þróun teyma og önnur verkefni
Styðja við þróun stjórnenda og efla þá í hlutverki sínu
Vinna með niðurstöður starfsánægju- og mannauðsmælinga og styðja stjórnendur við að breyta innsýn í raunverulegar aðgerðir
Taka þátt í móttöku nýs starfsfólks, innri samskiptum og öðrum lykilþáttum starfsferilsins
Þróa og bæta ferla, verklag og verkfæri í mannauðsmálum
Koma að skipulagningu og framkvæmd viðburða og annarra sameiginlegra verkefna mannauðsteymisins.
Koma að fræðslu, þróunarverkefnum og öðrum verkefnum sem byggja upp hæfni innan fyrirtækisins
Við erum lítið teymi með breitt hlutverk og leggjum áherslu á að vinna vel saman og deila þekkingu. Við skiptum með okkur ábyrgðinni og hjálpumst að við að koma hlutunum yfir línuna.
Hver ert þú?
Við erum að leita að einstaklingi sem hefur breiða reynslu af mannauðsmálum og líður vel í ráðgjafarhlutverki gagnvart stjórnendum.
Við teljum að þú eigir sérstaklega vel heima hjá okkur ef þú:
Hefur nokkurra ára reynslu af mannauðsmálum og ráðgjöf við stjórnendur
Hefur góða þekkingu á helstu þáttum mannauðsmála og íslensku starfsumhverfi
Hefur áhuga á rekstri og átt auðvelt með að setja þig inn í markmið, áskoranir og þarfir ólíkra hluta fyrirtækisins
Ert sterk/ur í samskiptum, byggir auðveldlega upp traust og átt gott með að koma sjónarmiðum þínum á framfæri
Hefur yfirvegaða og faglega nálgun, ert óhrædd/ur við að spyrja krefjandi spurninga og takast á við viðkvæm mál
Vinnur skipulega, tekur ábyrgð á verkefnum og fylgir þeim vel eftir
Sérð tækifæri til að gera hlutina einfaldari og betri
Getur unnið sjálfstætt en nýtur þess jafnframt að vera hluti af teymi þar sem fólk vinnur saman að sameiginlegum markmiðum.
Við gerum ráð fyrir háskólamenntun sem nýtist í starfi, til dæmis á sviði mannauðsmála, viðskiptafræði, sálfræði eða sambærilegu. Við horfum þó ekki síður til reynslu, hæfni og þess hvernig þú nálgast fólk, verkefni og viðfangsefni.
Af hverju Advania?
Hjá Advania færðu tækifæri til að vinna náið með stjórnendum og hafa raunveruleg áhrif á þróun mannauðsmála í stóru og fjölbreyttu tæknifyrirtæki. Við viljum að mannauðsteymið sé öflugur samstarfsaðili stjórnenda, skilji reksturinn og stuðli að því að fólk, teymi og fyrirtækið nái árangri. Jafnframt viljum við skapa starfsumhverfi þar sem fólki líður vel, fær að njóta styrkleika sinna og hefur tækifæri til að þróast og ná árangri.
Vinnustaðurinn Advania
Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.
Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.
Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.
Ferli ráðninga
Tekið á móti umsóknum til 19. nóvember 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað
Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.
Nánari upplýsingar
Nánari upplýsingar veitir Ingunn Guðmundsdóttir, mannauðsstjóri, ingunn.gudmundsdottir@advania.is / 4409000.
- Staðsetning
- Reykjavik
Um Advania
Advania hjálpar viðskiptavinum að takast á við eina af stærstu áskorunum 21. aldar: að halda í við hraðar tæknibreytingar og breyta þeim í raunverulegt virði fyrir viðskiptavini.
Sem traustur samstarfsaðili gerum við fyrirtækjum og stofnunum kleift að fylgja þessum hraða með því að breyta flókinni upplýsingatækni í vel hannaðar lausnir sem einfalda daglegan rekstur.
Með þeirri nálgun stefnum við að því að vera leiðandi samstarfsaðili í upplýsingatækni í Norður-Evrópu.
Hjá Advania á Íslandi starfa um 600 sérfræðingar í upplýsingatækni. Við erum hluti af Advania samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 53 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 5.000 sérfræðingar í upplýsingatækni.