Advania leitar að reyndum og árangursdrifnum söluráðgjafa sem vill taka næsta skref í ráðgefandi sölu netlausna.

Í starfinu færðu svigrúm til að byggja upp verðmæt viðskiptasambönd, móta heildstæðar lausnir með leiðandi sérfræðingum og hafa raunveruleg áhrif á þróun og vöxt lausnaframboðs okkar.

Þú vinnur með stjórnendum og lykilaðilum hjá viðskiptavinum að því að tengja viðskiptamarkmið þeirra við örugga, sveigjanlega og framtíðarhæfa netinnviði. Hlutverkið hentar söluráðgjafa sem kann að þróa tækifæri til lengri tíma, leiða flókið söluferli og skapa traust með skýrri og faglegri ráðgjöf.

Með aukinni notkun skýjalausna, gervigreindar og sjálfvirkni verða netkerfi sífellt mikilvægari fyrir rekstur, öryggi og samkeppnishæfni fyrirtækja. Hjá Advania færðu tækifæri til að starfa á markaði í hraðri þróun, vinna með leiðandi sérfræðingum og samstarfsaðilum á borð við Fortinet, Cisco og Juniper og hjálpa viðskiptavinum að ná mælanlegum árangri með lausnum sem skipta máli.

Við leitum að einstaklingi sem nýtur þess að bera ábyrgð, hefur metnað til að ná árangri og vill hafa áhrif á stefnuna — ekki aðeins fylgja henni.

Þitt hlutverk og áhrif

Leiða ráðgefandi sölu Enterprise-lausna með áherslu á netlausnir, netöryggi og tengda þjónustu.

Byggja upp og þróa langtímasambönd við lykilviðskiptavini og skapa ný viðskiptatækifæri.

Greina viðskiptamarkmið, áskoranir og tækniumhverfi viðskiptavina og umbreyta þeirri innsýn í skýra virðistillögu.

Stýra sölutækifærum frá fyrstu þarfagreiningu til samninga, tilboðsgerðar og eftirfylgni.

Móta lausnir í nánu samstarfi við sérfræðinga Advania, birgja og alþjóðlega samstarfsaðila.

Kynna flóknar tæknilausnir á skýran og sannfærandi hátt fyrir stjórnendum, tækniteymum og öðrum hagaðilum.

Taka virkan þátt í stefnumörkun, þróun lausnaframboðs og markaðsstarfi á sviði netlausna.

Fylgjast með þróun markaðarins og koma auga á tækifæri til vaxtar, hagræðingar og nýsköpunar.

Þú gætir verið rétti aðilinn ef þú

Hefur farsæla reynslu af ráðgefandi sölu, viðskiptaþróun eða sölu flókinna tæknilausna til fyrirtækja.

Getur sýnt fram á árangur í að byggja upp viðskiptasambönd, þróa sölutækifæri og ljúka samningum.

Hefur góða þekkingu á upplýsingatækni og skilning á netlausnum, netöryggi, skýjalausnum og innviðum.

Ert vanur að ræða við bæði stjórnendur og tæknilega sérfræðinga og laga framsetningu að ólíkum markhópum.

Vinnur sjálfstætt, forgangsraðar af festu og tekur ábyrgð á eigin árangri.

Hefur sterka viðskiptahugsun, frumkvæði og metnað til að skapa viðskiptavinum sýnilegt virði.

Nýtur þess að vinna í teymi og virkja sérfræðiþekkingu annarra til að ná sameiginlegum árangri.

Hefur mjög gott vald á íslensku og ensku í ræðu og riti.

Hefur menntun sem nýtist í starfi; víðtæk reynsla og staðfestur árangur geta vegið þungt.

Af hverju Advania?

Þú færð svigrúm til að hafa áhrif, vinna með sterkasta sérfræðingahópi landsins á sínu sviði og byggja upp langtímasambönd við lykilviðskiptavini. Starfið býður upp á fjölbreytt verkefni, mikla ábyrgð og tækifæri til að taka þátt í áframhaldandi þróun lausna og þjónustu Advania.

Vinnustaðurinn Advania

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsfólks um árabil. Advania hefur markað sér fjarvinnustefnu og stendur starfsfólki til boða að vinna að hluta til í fjarvinnu. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsfólk og stuttfætta gesti.

Advania hefur markað sér bæði jafnréttisstefnu og sjálfbærnistefnu. Við leggjum mikla áherslu á fjölbreytileika og jafnrétti og hlaut Advania jafnlaunavottun árið 2018 fyrst íslenskra upplýsingatæknifyrirtækja. Einnig fylgjumst við grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur.

Ef þú leitar að spennandi verkefnum, góðu vinnuumhverfi og hressu samstarfsfólki, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 26. október 2026
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsfólk mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Valtýr Gíslason, forstöðumaður Enterprise-lausna, valtyr.gislason@advania.is / 4409000.

Advania hjálpar viðskiptavinum að takast á við eina af stærstu áskorunum 21. aldar: að halda í við hraðar tæknibreytingar og breyta þeim í raunverulegt virði fyrir viðskiptavini.

Sem traustur samstarfsaðili gerum við fyrirtækjum og stofnunum kleift að fylgja þessum hraða með því að breyta flókinni upplýsingatækni í vel hannaðar lausnir sem einfalda daglegan rekstur.

Með þeirri nálgun stefnum við að því að vera leiðandi samstarfsaðili í upplýsingatækni í Norður-Evrópu.

Hjá Advania á Íslandi starfa um 600 sérfræðingar í upplýsingatækni. Við erum hluti af Advania samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 53 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 5.000 sérfræðingar í upplýsingatækni.

Söluráðgjafi Enterprise-lausna með áherslu á netlausnir

Leiddu ráðgefandi sölu netlausna, byggðu traust langtímasambönd og mótaðu lausnir sem styrkja öryggi og rekstur fyrirtækja.